ACT for SOCIETY prezanton projektin në RADIO TIRANA

Përfaqësues të Qendrës ACT for SOCIETY ishin të ftuar sot, në emisionin DITË TË MBARË të Radio Tirana, ku prezantuan projektin “Burrat dhe djemtë si partner në promovimin e barazisë gjinore dhe parandalimin e dhunës dhe ekstremizmit tek të rinjtë në Ballkan”.

Projekti implementohet nga CARE International në partneritet me Center ACT for SOCIETY dhe mbështetet nga Austrian Development Agency dhe OAK Foundation.

Gjatë intervistës, Stela Kosova, koordinatorja e projektit dhe Xhoi Bare, Young Men Team Leader, patën mundësinë të prezantojnë përqasjen e re që sjell ky projekt tre vjeçar në parandalimin e dhunës ndërpersonale, dhunës me bazë gjinore dhe përfshirjen e djemve dhe burrave si agjent ndryshimi në këtë fushë.

Në vijim, u diskutua rreth pabarazive gjinore në të gjithë rajonin e Ballkanit, dhe sesi akreditimi i Programit Y do të ndihmojë në parandalimin e këtyre fenomeneve dhe edukimin e të rinjve. Intervista u përmbyll me një ftesë të hapur për të qenë pjesë e këtij projekti.