Archive

Please reload

Tags

Please reload

Konkursi LIVING WITH GENDER EQUALITY: Sara Ismaili

May 11, 2018

 

Ky mëngjes...më  fal  trishtim,
teksa  ndjej thellë shpirtin tim
se si qan e n’heshtje vuan
kur dhe ëndrrat nuk e duan...!
E largojnë shpirtin e mjerë,
sepse ëndrrat  s’patën ndjerë
sa qetësisht i  mbaja n’zemër
përplot  frikë...se isha femër.
Unë luftoja pa bërë zhurmë,
me gjithë botën në një turmë
sa heë flisnin,kuvendonin.
Sa si unë nuk e gëzonin...
jetën?
E më tej t’ vërtetën?!
Flet djali e hesht femra,
dëgjon zërin e rreh zemra
me shumë frikë...pasiguri,
 dhe ja bindet përsëri.
Si robot, kaq e pajetë
ka harruar edhe vetë
se e fortë ishte dikur
...para fshehjes  n’atë mur,
kur dhe zemra s’kish qenë gurë.
Ai mëngjes...trishtim më fali,
se dhe kohën dot se ndali,
e unë ndjeva nostalgji,
për kur isha thjesht femijë.
Lehtë vrapoja me liri...
sepse ndjeja lumturi.
Po ku fshihet vallë tani
kam shumë kohë që nuk e di
... a do të kthehet përsëri?
Të drejtohem ty trishtim,
thjesht  dëgjoje zërin tim..
sa e ndjen keqtrajtimin
teksa shuan lehtë gëzimin.
Sa e njeh ti një liri
kur rri mbyllur në shtëpi?
Sa të dhemb ty një shuplakë
në një lot që të djeg flakë?
Vec më thuaj dhe njëherë,
ti trishtim...a më ke ndjerë
kur të flisja s’munda dot
se më mundi ajo botë,
për një forcë edhe një emër
fare vetëm...se jam femër!


Please reload

Recent Posts

September 21, 2019

Please reload

©2019 by Center ACT for SOCIETY. 

Rruga "Blv. Zhanë D'ark" Nd.61, H.5, Ap.24